| 好耐啦好耐冇上過黎．因為冇啦啦轉左我係新板所以唔想上黎．但最近．唉．．．都唔知自己想點．要煩既野多得很．其實係自尋煩惱．定係? 好多未發生既事．都已經諗埋結果．係咪真係諗多左呢．實在因為有前科．唔想再有咁既事情發生．所以每行一步都要小心呀． |
| |
| 今日真係好興奮．等左十幾日．Forza 終於到手．期待果種心情真係難以形容．開心到只係訓左 3個鐘．但仍然好精神．賣車．買車．拎車．終於晝上句號．唔洗再心掛掛．
星期六又買左 Lenovo．今日又拎車．加加埋埋用左三萬幾蚊．又清我袋．又可以比壓力自己再儲錢．冇壓力真係做唔到．會亂咁洗錢．努力努力．唔知又要幾耐先儲返三萬幾．
Lenovo S10-2 netbook : 其實都唔知買黎做咩．只不過好想擁有自己既電腦．咁就買．諗落都幾無謂．不過冇後悔
Forza MF-06 : 呢架車五年前我都差D 買左．可惜果時選擇左 CBR．幾年後今日終於決心買下．非常開心．希望架車冇咩暗病就好．
每個月辛苦搵錢．唔洗下錢真係對唔住自己．驚有錢無福享呀．有好多野都唔係單方面就做得到．所以我會盡我能力．達到自己既心願 |
| |
| 收工已經燥燥地．你老闆咩．重要搞九我．仆你個臭街．整一次都萛．重要連整兩次．知唔知咩叫過份呀．同你講呢個仇我一定記住．終有一日雙倍奉還 |
| |
| 非常非常唔開心．返工好多野做呀．放完假返黎．剛遇打完八號風球．泳池爆左玻璃要停池放水要大執．死人光頭佬又叫晒所有人上去．d Order 又冇人做．夜晚做到我仆街．重要冇啦啦爆幾十架房換地毯．每日都要換．呢頭裝完間房．轉頭又要拆第二間．呢兩晚完全係做左之前一星期既工作．
尋日去左買哈佬喂門票．太耐冇去．因為改晒路．兜左個圈先去到．為左貪平買左八包Ｍ＆Ｍ朱古力．有88折呀．當我一拎Ｄ吉袋出黎．賣飛條友即刻勁笑呀．重未停過．笑足五分鐘．真係想小下佢．搞左咁耐都係慳20蚊．唔知萛唔萛值 |
| |
| 一年一次旅行又完．去左好近既地方．回歸祖國番遇長隆．行程非常緊密．但幾好玩．最開心可以睇到馬戲團表演．如果淨係去玩水．肯定係一個損失．
請左四日假．兩日返大陸．兩日就打風．又冇波踢．有冇搞錯呀．好討厭．聽日又要返工．又要返晏．我諗直到年尾都係返晏．真係．．．．．．幾時可以唔洗咁 |
| |
